🎉Party變髮後,應該點護理?

🎉Party變髮後,應該點護理?

12月真係Party最密集嘅月份,去得聖誕、除夕倒數Party,當然由頭到腳都要靚!
想成為Party嘅焦點,令人一見難忘,好多長髮女生都鍾意花心思喺髮型上,會Set髮髻、加閃粉、染顏色等等。
不過,Party過後,就會好煩惱:「呢個頭,點洗好呀?」「啲造型產品好傷頭髮呀…髮尾開始毛燥點算好?」即刻睇以下嘅洗頭同護理貼士啦!

 

  • 先用護髮搓揉

如果頭髮滿佈閃粉或定型噴霧,可先弄濕髮絲,再以護髮露搓揉後沖水(護髮露只宜從中間部分搽到髮尾,千祈唔好掂到頭皮,否則有機會阻塞毛囊),重覆幾次便可將閃粉、造型產品沖走;之後記得再做洗髮、護髮程序,確保頭皮、頭髮同樣潔淨。

 

  • 使用Deep clean洗髮露

如果Set頭時用上大量造型產品,建議可以喺洗頭時,用暖水同專門用作潔淨各種造型產品嘅溫和潔淨洗髮露清洗2至3次,小心徹底洗走定形啫喱、噴霧,避免殘留於頭皮、髮根上,再以護髮露修護因造型產品而受損嘅髮絲,預防毛燥,回復髮絲彈性!

 

  • 髮膜急急長髮

頭髮經過唔同嘅造型之後,其實都會有所傷害,所以要及時修護,用免沖洗嘅草本精華修護霜敷個Hair Mask,深層滋潤、修護頭髮,就唔駛擔心秀髮毛燥開叉啦!


*
頭髮敷Mask小步驟

  1. 將草本精華修護霜均勻塗滿全把頭髮
  2. 用暖毛巾包好,焗至毛巾冷卻,讓精華滲透髮絲
  3. 用水洗淨

急急救髮之後,長髮立即回復光澤柔順,新一年就可以試更多新造型啦,新年快樂!

 

Comments

comments