💏 4個長髮女生拍拖Sweet Moment 

同喺生活上能夠處處關心、體貼嘅暖男拍拖,時刻都好甜蜜!各位長髮女生,都會悉心呵護自己嘅秀髮,妳哋有無啲同頭髮有關嘅Sweet Moment呢?一齊開心Share 吖~

 

1.幫妳紮頭髮
甜蜜指數:❤️❤️❤️
無論係簡單馬尾,或者係高難度嘅雙鬢辮或髮髻,如果男朋友會為自己細心梳理長髮,用髮圈綁頭髮,幫妳轉髮型,都係非常sweet!

 

2.幫妳吹頭髮
甜蜜指數:❤️❤️❤️❤️
有一種長髮女生專屬幸福,係男生願意幫女友吹頭髮!如果男朋友喺好攰嘅時候拎起風筒幫自己吹乾頭髮,就實在太體貼喇!喺吹髮過程中,溫柔輕摸頭髮,都係親密關係嘅表現呢~

 

3.幫妳染頭髮
甜蜜指數:❤️❤️❤️❤️
好多長髮女生都鍾意轉換髮色,喺屋企DIY染髮,但要染出均勻亮麗嘅髮色,都好考技巧架,如果有男朋友幫手就容易得多啦~染頭髮容易整污糟雙手,男朋友又唔介意嘅話,真係愛嘅表現!

 

4.幫妳洗頭按摩
甜蜜指數:❤️❤️❤️❤️❤️
幫長髮女朋友洗頭按摩真係至體貼嘅表現!尤其係唔舒服、疲倦嘅時候,男朋友幫自己洗頭真係好窩心,洗頭要注意水溫、水力,同埋細心塗抹洗髮露、護髮露,溫柔按摩頭皮,感覺甜蜜之餘,一日嘅疲勞都完全消除啦!

🎩 4個必學長髮 X 帽子配搭法

秋冬係戴帽嘅季節!天氣轉涼,好多女仔都鍾意戴唔同類型嘅帽,感覺更溫暖之餘,亦令髮型無咁易畀風吹散。

長髮女生,戴上唔同款式嘅畫家帽、冷帽、cap帽……簡單變出唔同style,即時提升時尚度!快啲睇下配搭貼士啦!


Style 1:長直髮+畫家帽=文青風

今季非常流行毛呢質感畫家帽!如果妳擁有一頭長直髮,或者自然微鬈曲長髮,配上畫家帽,都可以畀人書卷味,同法式優雅感。

 

Tips:

  • 畫家帽不宜太大,否則會顯得累贅同誇張。
  • 戴畫家帽時必須夾起瀏海,而且帽子應戴在眉毛之上位置,切忌過低。
  • 戴帽時,輕輕傾斜帽子,或者向後拉,都有唔同感覺。
  • 怕戴帽顯臉大,可以將頭髮放置一側,就可以輕易修飾臉型。

 

Style 2:波浪捲髮+冷帽=溫暖系

Skinny薄冷帽百搭有型,粗織厚冷帽就夠晒溫暖感!配搭冷帽,頭髮唔需要太貼服,帶凌亂感嘅鬈曲秀髮,可以提升造型層次感。而披肩波浪捲髮配上毛毛球冷帽,更特別有節日氣氛,畀人溫暖甜美嘅感覺。

 

Tips:

  • 冷帽唔好戴得太低,要露出耳仔同額頭,帽子頂部自然垂落,比例會更好睇。
  • 冬天通常會著得灰灰沉沉,如果配上一頂色彩明亮嘅冷帽,就可以成為造型焦點。

Style 3: 編髮+寬邊帽=甜美Look

闊邊帽本身畀人成熟老氣嘅感覺,如果擁有一頭靚長髮嘅話,可以以編髮玩出唔同花樣。戴上帽子嘅時候,可以將露出嘅頭髮編成雙鬢辮、麻花辮,或低髮髻,都能減少頭髮厚重感,更添甜美俏皮嘅時尚氣息。

 

Tips:

  • 戴闊邊帽應避免披散亂髮,髮型要露出耳仔和頸部,因為呢款帽型會較掩蓋面部,如果遮得太多,會顯得冇精神。
  • 紮辮子時,記住唔好紮得太緊,否則會顯得老氣。紮辮子後可輕輕拉鬆頭髮,製造出蓬鬆感,同埋可拉出兩側髮絲任由隨意散落,就會更自然,亦有瘦臉效果。

 

Style 4: 隨性長髮+Cap帽=街頭風
朝早起身唔駛刻意打理,只需一頂Cap帽,同將長髮/柔軟曲髮繞到耳後,就可以隨性自信咁出街!而反戴棒球帽,配上衞衣、球鞋等運動風或街頭風衣著,更可營造率性有型嘅韓國look。

 

Tips:

  • Cap帽帽舌唔好向上,要平放向前先至啱。
  • 戴Cap帽可束一條低馬尾,營造清爽感覺,再喺額頭耳側拉出小束髮絲,就可以輕易修飾臉型。

4個秘技-旅行拍出長髮女神相!

 

又到旅遊旺季,準備出遊嘅妳,學識以下影相、擺Pose小技巧,用手機輕鬆影出長髮女神靚相,都完全無難度啦!

 

秘技1:簡潔大自然背景
旅行當然多靚景,有時會貪心想將所有靚景加靚人一齊影低,但顏色太多,顯得太雜亂,主角就會被搶鏡喇!
場景盡量簡單化,選擇淨色嘅大自然背景如海邊、草地、樹林會令妳更突出,而且切記要為照片預留一啲背景空間,就更有文青feel喇!

 

秘技2:利用陽光、風向
把握「Magic Hour 黃金時間」嘅時機,即係指日出後1個鐘或日落前1個鐘,呢兩段時間太陽最接近地平線,有金黃色光線嘅散落,最容易影到構圖好靚嘅逆光相,而且望住夕陽,喺海邊感覺更relax啦!除咗配合陽光,適當利用風向,可以為相片添動感,喺逆風下拍攝,而女生有一把靚長髮同身穿長裙,就更有飄逸感!

 

秘技3:Pose+攝影角度
影相時可嘗試交叉腳/走起來,因為前後腳可以令雙腿睇起嚟又長又瘦!配合少少低炒,就算係個子小嘅女生,都可以影出意想不到嘅修長效果~
仲有注意坐低影相會顯得腿短,而影相時伸直雙腳,就可以立即變長腿,大家記住呢個小技巧喇!

 

秘技4:最靚「影後」
如果天生無咩表情、或者旅行時狀態唔好,女生可以嘗試擺唔同pose,例如輕撥頭髮、自然咁向下望、目光離開鏡頭或者背對鏡頭。
有時只要擁有一把靚長髮,展現優美線條嘅背影,都已經好有女神feel!

長髮女生必學-5個令長髮急急變乾嘅方法!

長髮女生每朝早吹頭好花時間,仲要趕住返工返學,好多時長髮未乾透就要急急出門口,想知洗完頭,點令長髮急急變乾,又可以保護髮質?睇下以下貼士啦!

 

貼士1:吹髮前先印乾
吹髮前,盡量用毛巾將頭髮按壓至半乾,有助於快速吹乾頭髮。(注意唔好左右來回搓揉頭髮,因為咁會使毛鱗片翹起,傷害髮質)!

 

貼士2:善用寬齒梳
濕髮時髮尾特別容易打結,亦需要花更多時間吹乾,所以吹頭前記得先用寬齒梳將糾結嘅頭髮梳直、梳順。吹頭時,可用梳子邊梳理邊吹,髮絲被梳開,更易吹到裡層頭髮,就更快乾啦!

 

貼士3:快速吸水乾髮手套
坊間有售嘅乾髮手套,可以一邊用手套吸水,一邊吹頭髮,好慳時間!而且帶住嚟吹頭,可以防止熱風直吹頭髮,大大減少對頭髮嘅傷害!

 

貼士4:隔著毛巾吹頭髮
吹頭時,把一條乾毛巾蓋在頭髮上,可以畀毛巾一邊吸收頭髮上水分,一邊將風筒嘅熱量傳到頭髮,使頭髮乾得比平時快一倍以上。而且毛巾當為一層防護,就可以阻隔熱力傷害頭髮啦!

 

貼士5:分層吹頭髮
吹頭髮時,先吹瀏海同髮根,再往髮尾方向吹,咁就可以減少髮尾受熱損害,防止開叉、乾燥。之後將頭髮分成一片一片咁吹,由髮量最多嘅位置開始吹起,亦可以讓頭髮乾得更快!

四招擺脫夏天頭油問題

一到夏天,汗水及油脂分泌大大增加,每朝起身同放工後個頭都好黏笠笠,剛剛上午洗完頭,下午又出油,一天洗多次頭都唔掂!點算?試下下面呢4個方法啦!

 

1. 少吃油膩、多吃蔬菜
fruit
頭皮易出油嘅話,最好減少食煎炸食品,同埋避免攝取防腐劑、脂肪、糖份含量高食物,少食刺激性食物,儘量多食水果同蔬菜,多飲水,咁樣會有助減少皮脂腺分泌,減少出頭油!

 

2. 減少用定型用品
hair
長時間使用Gel、髮泥、定型噴霧等造型用品為頭髮定型,會令頭髮與空氣隔絕接觸,而且裡面含有化學物質,如果沒有有徹底清潔乾淨,更加會令頭髮黏笠笠,加上頭皮接觸到汗水、污濁空氣,造型用品會令污垢更容易依附喺我哋頭皮上,影響頭油分泌,堵塞毛囊呢!

 

3. 每日只洗一次頭
wash
過度清潔頭皮會加劇頭油過剩問題!頭部皮膚與面部皮膚相似,太乾會分泌更多油份,如想改善過多頭油煩惱,建議一日洗一次頭就夠喇!
另外,要注意用風筒熱風吹頭,同用太熱嘅水洗頭都會刺激皮脂分泌。而油性髮質嘅人更加唔適宜經常按摩頭皮,因為按摩頭皮會刺激頭皮嘅血液循環同皮脂分泌,令頭髮更油!

 

4. 選用控油洗護產品
IMAG
頭皮會因為長期使用不良洗髮用品而積存有害化學物、油份!所以要揀啱適合油性髮質,含天然營養成份嘅洗護產品,徹底清潔頭髮、毛囊多餘油份,平衡油脂分泌,同時補充頭髮營養同水份,就可以令頭髮不再扁塌、黏笠笠,回復清新乾爽!

 

親身體驗清爽秀髮嘅效果,即到 on.mnt.hk/bget15coupon 索取美國箭牌$15現金券啦!

 

 

4個方法令頭髮急急長!

頭髮剪得太短,或者剪衰咗,真係世界未日喇!!!
唔駛愁~一般人頭髮大約每月長0.3吋,生長關乎身體嘅新陳代謝,只要身體嘅新陳代謝好、擁有健康嘅髮囊,頭髮自然可以快D長,以下4個方法就可以令頭髮生長速度加快!

 

1. 健康生活、均衡飲食
32d927d67138f5cd6ac58faf44f14bbb
日常生活同飲食習慣都會直接影響頭髮生長嘅速度架!唔吸煙,唔偏食,多攝取蛋白質,例如肉類、蛋、黃豆類、芝士,及鈣質和魚類食物等,增強身體新陳代謝,就可以加快頭髮生長速度!

 

2. 經常梳頭或按摩頭部
Long black hair
梳頭或者按摩頭部可促進血液循環,為頭髮帶來充足養分,促進生長。平時洗頭和做hair mask時,可利用指尖按摩頭皮,亦有助營養畀頭皮吸收,髮囊健康咗,頭髮就可以快D長啦!

 

3. 避免頭髮受熱力和造型產品傷害
oribe-texture-spray-the-beauty-department-512x683 copy
電燙、熱髮器、造型產品會對頭髮鱗狀表層及髮芯造成傷害,更容易出現毛燥開叉、折斷及掉髮等問題,要留長就好難喇!所以如果鍾意成日轉造型,就要好好選擇保濕、具修護作用嘅洗護用品,減少折斷、掉髮,令每根髮絲更健康強韌,秀髮豐盈感up!

 

4. 揀啱適合自己髮質嘅洗護產品
IMAG

唔同人有唔同體質,頭髮生長速度都會有所唔同。揀啱適合自己髮質嘅系列,等頭髮得到所需嘅營養呵護,就可以健康急急長架喇!

 

試下用美國箭牌洗護系列,當中含有嘅獨家高濃度小麥蛋白,係建構頭髮生長嘅必要元素,可以促進新陳代謝,締造健康髮囊。頭皮健康咗,有更理想嘅環境畀頭髮生長,頭髮唔止長快D,仲可以生多D架!94%用家反映,使用美國箭牌產品後一個月內,頭髮生長速度比以前快*。以後話長就長,話剪就剪,頭髮長短、轉咩形象,都可以自己話事啦!

 

立即親身體驗頭髮急急長嘅效果,免費索取美國箭牌$15現金券: on.mnt.hk/bget15coupon

*Added Value於2015年進行之有關 Mane ‘n Tail 美國箭牌客戶調查之結果